جارى فتح الساعة......
عاجل

قصيدة .. انا الرئيس السيسي إهداء لـ ” الوطن المصرى )

 

 

 

أنا الرئيس السيسي  .. والسيسي يبقي أنا

حط نفسك مكاني  .. وجاوبني يا عمنا

وقوللي هتعمل ايه  .. وخد فى بال سعادتك  .. الوضع اللي احنا فيه

 

  فساد  فى كل  حتة..      وظروف حراقة شطة

والفار مايخافس قطة  .. والسرقة خلاص مشاع

 

الشعب ضميره غايب  .. والذمة رباطها سايب 

وسلوكنا حقيقي خايب  .. والعقل الجمعي ضاع

 

شبابنا ثقافته باميا  ..  اعلامنا عميل لـ  سامية

والنخبة عروسة دومية  .. فى ايدين  صهيوني  جاع

 

مؤامرة وعنكبوتها  .. متمكن منا فينا

ويوماتي الحرب دايرة  .. فى الأرض الغالية سينا

وشهدا ع الجنة راحو  .. وأرواحهم  بتنادينا

واوطان مش لاقية قوتها  .. وجايين لاجئين  علينا

 

بغداد دلوقتي ساحت  وليبيا فى توهة راحت

صنعاء من بدري بخ  .. جنوب مفصول شمالها

سودان السمرا مالها  .. اليهود نصبولها  فخ

 

وسعادتك عادي نايم  .. وأمان فى مصر  دايم  .. ومش عاجبك حاجة اخ

 

مخنوق مضغوط وخايف؟   .. صدقني يا عم شايف  .. أسعار مسلوقة سلق   

العيشة حقيقي تعبه  .. والحالة بجد صعبة ..  ده جنين وبشايرو طلق

 

بكرة الولادة جايا  .. والخير هيعم لينا

ومشارعنا الكبري ديا  .. مردودها  يعود علينا

ساعتها الفجر يطلع .. ويشقشق وينادينا

ساعتها الفجر يطلع  .. ويشقشق وينادينا 

 

وانا الرئيس السيسي  ..  والسيسي يبقي أنا

 وحط نفسك مكاني  .. وجاوبني يا عمنا

 وقوللي هتعمل ايه ؟

 وخد  فى بال سعادتك   ..الوضع اللي احنا فيه 

وانا الرئيس السيسي   .. والسيسي يبقي ..  أنا

 

الشاعر ايمن طه

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*