جارى فتح الساعة......
عاجل

بالفيديو .. ماذا قال لاعبو الأهلى بعد خماسية صن دوانز .. والطلب الوحيد


الوطن المصرى – رامى جوهر

فور عودتهم من رحلة جنوب أفريقيا بات التأثر والحزن الشديد على لاعبى الأهلى بعد الهزيمة الكارثية التى تعرض لها الفريق بخمسة أهداف نظيفة من صن داونز بطل جنوب افريقيا فى دور الثمانية لبطولة أبطال أفريقيا .

وفى أول رد فعل لهم على الهزيمة أبدى اللاعبون اعتذارهم للجمهور عن خماسية مباراة صن داونز التى أقيمت فى جنوب إفريقيا السبت الماضى، ونشرت الصفحة الرسمية للنادى الأهلى، مقطع فيديو لاعتذار اللاعب حسام عاشور، قائلاً “أنا بعتذر للناس كلها، الناس كلها زعلانة ومضايقة من اللى حصل، بعتذر للجماهير، احنا زعلانين أكتر ناس، معندناش حاجة نعملها غير إننا نشتغل الفترة الجاية، وقال عاشور أطلب من جماهير الأهلى تقف جنبنا ومعانا وتساعدنا، اللى حصل مكنش ينفع يحصل للنادى الأهلى، ربنا يكرمنا الفترة الجاية”.

وعلق عاشور على غضب الكابتن محمود الخطيب رئيس النادى الأهلى، قائلاً “لهجة الكابتن محمود الخطيب غير اللى متعودين عليها منه، إحنا متقبلين أى حاجة، ودا الطبيعى ومتقبلين أى حد ينتقدنا من بره أو جوا النادى، معندناش غير أننا نشتغل ونفرح الناس”.

بينما قال اللاعب شريف إكرامى، فى الفيديو ” اعتذارنا للأهلى وجماهيره سيكون فى الملعب، بنعتذر جدا لكل الجمهور، الموضوع مش موضوع بطولة هنكمل فيها او هنخسرها، الموضوع بالنسبالنا مش مباراة نعدى فيها دى مباراة رد الكرامة والاعتبار، ورد الاعتبار بيجي فى الملعب، واحنا اتعودنا منردش غير فى الملعب، فى النهاية الأهلى لا يصح فيه إلا الصحيح”.

بينما قال مارتن لاسارتى المدير الفنى للفريق “اللى حصل ضربة قوية، وأنا عارف إن الجمهور حاسس بدا، والمسئول عن دا هو أنا، واحنا هنعمل كل اللى نقدر عليه، أوعدكم أننا نعمل كل اللى نقدر عليه، التشجيع أحسن حل وأحسن دواء للفريق، انهارده الفريق كله ثقة، دعم الجماهير حاجة فريدة، مقدرش انقله انا بنفسي، لكن انا عبرت عن وجود 10 من الجماهير هنا كان دعم”.

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*